गोलबजारका विभिन्न क्षेत्रमा अनिश्चितकालीन कर्फ्यू

जिल्ला प्रशासन कार्यालय सिरहाले सुरक्षा अवस्था तनावपूर्ण बन्न सक्ने भन्दै गोलबजार नगरपालिकाका विभिन्न क्षेत्रमा बिहीबार दिउँसो २ बजेदेखि अर्को सूचना नभएसम्म कर्फ्यू आदेश जारी गरेको छ। पूर्व–पश्चिम राजमार्गअन्तर्गत कसहा खोलादेखि चोहर्वा चोक तथा सैनिक चोकदेखि राप्रपा बहुमुखी क्याम्पस क्षेत्रसम्म कर्फ्यू लागू गरिएको प्रशासनले जनाएको छ।