नारायणी अस्पतालका चिकित्सकको सामूहिक राजीनामा, सेवा प्रभावित

वीरगन्जस्थित नारायणी अस्पतालका चिकित्सकहरूले अस्पतालमा भएको तोडफोड, चिकित्सकमाथिको आक्रमण तथा प्रशासनको व्यवहारको विरोध गर्दै सामूहिक राजीनामा दिएका छन्। करिब ४० चिकित्सकले राजीनामा बुझाइसकेका छन् भने आकस्मिक सेवासमेत प्रभावित भएको छ। चिकित्सकहरूले प्रमुख जिल्ला अधिकारी र प्रहरी प्रमुखको राजीनामा माग्दै सुरक्षित कार्य वातावरण सुनिश्चित नभएसम्म काममा नफर्किने अडान लिएका छन्।