रसुवा बाढीपीडितका लागि डब्लूएचओले पठाउँदै स्वास्थ्य सामग्री

रसुवाको भोटेकोसी नदीमा आएको बाढीबाट प्रभावित नागरिकका लागि विश्व स्वास्थ्य संगठन (डब्लूएचओ) ले स्वास्थ्य तथा राहत सामग्री पठाउने भएको छ। एक हजार जनालाई पुग्ने आधारभूत औषधि, स्वास्थ्य उपकरण र १५ वटा आपतकालीन टेन्ट उपलब्ध गराइने स्वास्थ्य मन्त्रालयले जनाएको छ। बाढी प्रभावितका लागि वीर अस्पताल र ट्रमा सेन्टरमा १०० आपतकालीन शय्या तयारी अवस्थामा राखिएको छ भने विभिन्न स्वास्थ्य निकायसँग उद्धार तथा उपचारका लागि समन्वय भइरहेको छ।