बुढिगंगा नगरपालिकाका तत्कालीन मेयरसहित १४ जनाविरुद्ध भ्रष्टाचार मुद्दा

अख्तियार दुरुपयोग अनुसन्धान आयोगले बाजुराको बुढिगंगा नगरपालिकाका तत्कालीन मेयर दीपक विक्रम शाहसहित १४ जनाविरुद्ध प्रशासनिक भवन निर्माण ठेक्कामा मिलेमतो गरी भ्रष्टाचार गरेको आरोपमा विशेष अदालतमा मुद्दा दायर गरेको छ। उनीहरूमाथि तीन करोड २७ लाख रुपैयाँ बिगो र कैद सजाय माग गरिएको छ। प्रतिवादीहरूमा नगरपालिका अधिकारी, ठेकेदार कम्पनी र अन्य कर्मचारीहरू रहेका छन्।