काठमाडौँ उपत्यकामा धुम्म र हल्का वर्षा, वायु गुणस्तर ‘अति अस्वस्थकर’

नेपालमा न्यून चापीय प्रणालीको प्रभावले देशभर मौसम बदली भएको छ। बुधबार बिहानदेखि उच्च भू–भाग, सुदूरपश्चिम र कर्णालीमा वर्षासहित हिमपात भएको छ। काठमाडौँ उपत्यकाका केही स्थानमा हल्का वर्षा भइरहेको छ। राजधानीमा वायु प्रदूषण ‘अति अस्वस्थकर’ स्तरमा पुगेकोले घर बाहिर निस्कँदा मास्क प्रयोग गर्न विज्ञहरूले सल्लाह दिएका छन्।