बझाङमा ४.१ रेक्टरस्केलको भूकम्प

बझाङ जिल्लाको रायाल आसपास केन्द्रविन्दु भएर सोमबार दिउँसो १:१४ बजे ४.१ रेक्टरस्केलको भूकम्प गएको छ। राष्ट्रिय भूकम्प मापन तथा अनुसन्धान केन्द्र, लैनचौरका अनुसार उक्त कम्पन मध्यम स्तरको थियो। यसअघि चैत ३ गते दार्चुलाको सितौलामा ४ रेक्टरस्केलको भूकम्प गएको थियो। नेपाल हिमालय क्षेत्रमा पर्ने भएकाले यस्ता साना–ठूला भूकम्प समय–समयमा भइरहन्छन्।