छानबिन समितिको निष्कर्ष: देवानगञ्ज र गोलबजार घटनामा सुरक्षाकर्मीकै गोलीबाट चार जनाको मृत्यु

सुनसरीको देवानगञ्ज र सिरहाको गोलबजार घटनाबारे गठित छानबिन समितिले प्रतिवेदन बुझाएका छन्। समितिका अनुसार दुवै घटनामा सुरक्षाकर्मीको गोली लागेर चार जनाको मृत्यु भएको निष्कर्ष निकालिएको छ। देवानगञ्जमा नेपाल प्रहरी र सशस्त्र प्रहरीले गोली चलाएका छन् भने गोलबजारमा प्रहरीको गोलीबाट गणेश यादवको मृत्यु भएको छ। घटनामा लापरवाही गर्ने सुरक्षाकर्मीलाई कारबाही गर्न समितिले सिफारिस गरेका छन्।