राष्ट्रिय यातायात नीति २०८३ स्वीकृत, हरित र प्रविधिमैत्री यातायातमा जोड

सरकारले ‘राष्ट्रिय यातायात नीति, २०८३’ स्वीकृत गर्दै २०५८ सालको पुरानो नीति खारेज गरेको छ। नयाँ नीतिले सुरक्षित, हरित, प्रविधिमैत्री र व्यवस्थित यातायात प्रणाली विकासमा जोड दिएको छ। सडक सुरक्षा, विद्युतीय सवारी, स्मार्ट ट्राफिक, डिजिटल टिकटिङ, मास ट्रान्सिट तथा सीमापार यातायात विस्तारलाई प्राथमिकतामा राखिएको छ। कार्यान्वयनका लागि १०३ बुँदे कार्ययोजना तयार गरिएको छ।