कम्बोडियाबाट १२ नेपालीको उद्धार

प्रलोभनमा परेर कम्बोडिया पुगेका १२ नेपालीलाई उद्धार गरी स्वदेश फर्काइएको छ। बैंककस्थित नेपाली दूतावास, कम्बोडिया सरकार र एनआरएनएको सहयोगमा उनीहरूलाई स्क्यामिङ केन्द्र र क्यासिनोबाट निकालिएको हो। अवैध रूपमा काममा लगाइएका उनीहरू ओभरस्टे अवस्थामा थिए। दूतावासले अन्य अलपत्र नेपालीको उद्धार जारी रहेको र भ्रमण भिसामा रोजगारीका लागि नजान आग्रह गरेको छ।