किशोरी डिम्ब तस्करी प्रकरणमा डा. नुतन शर्माको बयान, हाजिरी जमानीमा रिहा

१७ वर्षीया किशोरीको डिम्ब तस्करी प्रकरणमा जोडिएकी वरिष्ठ स्त्रीरोग विशेषज्ञ तथा आईभीएफ चिकित्सक डा. नुतन शर्मासँग प्रहरीले बयान लिएको छ। जिल्ला सरकारी वकिल कार्यालयमा बयान दिँदै शर्माले आफूले कानुनविपरीत कुनै काम नगरेको र सबै प्रक्रिया सहमतिमै भएको दाबी गरेकी छन्। बयानपछि सरकारी वकिलको निर्देशनमा उनलाई हाजिरी जमानीमा छाडिएको प्रहरीले जनाएको छ।