रसुवा बाढीमा ३८४ पर्यटक तथा पदयात्री बेपत्ता

रसुवाको भोटेकोशी नदीमा बुधबार बिहान आएको आकस्मिक बाढीपछि ३८४ जना पर्यटक तथा पदयात्रीको अवस्था अज्ञात रहेको नेपाल पर्यटन बोर्डले जनाएको छ। बेपत्तामध्ये २९१ विदेशी र ९३ नेपाली नागरिक छन्। प्रभावित क्षेत्रमा पर्यटक प्रहरी, सुरक्षा निकाय, पर्यटन बोर्ड तथा सम्बन्धित निकायले खोजी र उद्धार कार्य तीव्र बनाएका छन्। भारत, अमेरिका, बेलायत, अस्ट्रेलियालगायत विभिन्न देशका पर्यटक बेपत्ता भएकाले तथ्याङ्क रुजु र उद्धारका लागि समन्वय जारी रहेको बोर्डले जनाएको छ।