न्यूनतम पारिश्रमिक नदिए कारबाही हुने मन्त्रालयको चेतावनी

श्रम, रोजगार तथा सामाजिक सुरक्षा मन्त्रालयले न्यूनतम पारिश्रमिक नदिने रोजगारदातालाई चेतावनी दिएको छ। अस्पताल, विद्यालयलगायत संस्थामा श्रमिकले सुविधा नपाएको गुनासोपछि मन्त्रालयले श्रम ऐनअनुसार सेवा सुविधा अनिवार्य भएको स्पष्ट पारेको हो। इन्टर्न श्रमिकलाई समेत तलब, बिमा, सञ्चयकोष र बिदा दिनुपर्ने बताउँदै उल्लंघन भए कानुनी कारबाही हुने जनाएको छ।