विश्व खाद्य कार्यक्रम (डब्लूएफपी)बाट प्राप्त २९ टनसहित ३० टन खाद्य सामग्री बाढी प्रभावित रसुवा र नुवाकोटका नागरिकका लागि पठाइएको छ। कृषि, वन तथा पर्यावरणमन्त्री गीता चौधरीको सचिवालयका अनुसार राहत सामग्री सवारीसाधनमार्फत प्रभावित क्षेत्रतर्फ पठाइएको हो। विपद्बाट प्रभावित नागरिकलाई तत्काल खाद्य सहायता उपलब्ध गराउने उद्देश्यले सामग्री पठाइएको र अत्यावश्यक वस्तुको आपूर्तिलाई सरकारले प्राथमिकता दिएको मन्त्री चौधरीले बताएकी छन्।
