राष्ट्रपति रामचन्द्र पौडेल चारदिने जापान भ्रमणका लागि आइतबार प्रस्थान गर्दै छन्। नेपाल–जापान कूटनीतिक सम्बन्धको ७०औं वार्षिकोत्सव अवसरमा जापान सरकारको निमन्त्रणामा भ्रमण हुन लागेको हो। भ्रमणका क्रममा राष्ट्रपति पौडेलले सम्राट् नारुहितो र प्रधानमन्त्री ताकाइची सानेसँग भेटवार्ता, विशेष समारोह सहभागिता तथा व्यापारिक समुदायसँग संवाद गर्ने कार्यक्रम रहेको छ। उनी माघ २१ गते स्वदेश फर्कनेछन्। पत्नी सविता पौडेलसहित उच्चपदस्थ अधिकारी भ्रमणमा सहभागी हुनेछन्।
