खोजी तथा उद्धारमा सहयोग गर्न अस्ट्रेलियाको १५ सदस्यीय ड्रोन विशेषज्ञ टोली नेपाल आउने

विनाशकारी बाढीपछि नेपालको खोजी तथा उद्धार अभियानमा सहयोग गर्न अस्ट्रेलियाले १५ सदस्यीय ड्रोन विशेषज्ञ टोली नेपाल पठाउने भएको छ। फायर एन्ड रेस्क्यु न्यू साउथ वेल्स र क्विन्सल्यान्ड फायर डिपार्टमेन्टका सदस्य रहेको टोलीले अत्याधुनिक ड्रोनमार्फत नक्साङ्कन र इमेजिङ गर्नेछ। नेपाल सरकारको औपचारिक अनुरोधपछि अस्ट्रेलियाले टोली पठाउन लागेको हो।