सर्वोच्चका न्यायाधीशमा प्रस्तावित चारजनाविरुद्ध उजुरी आह्वान

संसदीय सुनुवाइ विशेष समितिले सर्वोच्च अदालतको न्यायाधीशमा प्रस्तावित चारजनाविरुद्ध १० दिनभित्र उजुरी आह्वान गर्ने निर्णय गरेको छ। सोमबार सिंहदरबारमा बसेको बैठकले सार्वजनिक सूचना जारी गर्न समिति सचिवालयलाई निर्देशन दिएको हो। न्यायपरिषद्ले डा. रत्नबहादुर बागचन्द, चन्द्रबहादुर सारू, जनक पाण्डे र गोकर्ण डाँगीलाई सर्वोच्च अदालतको न्यायाधीशमा नियुक्तिका लागि सिफारिस गरेको थियो।