चीनको सीमावर्ती क्षेत्रबाट आएको बाढीले नेपालमा ठूलो क्षति पुर्याएपछि चिनियाँ राष्ट्रपति सी चिनफिङले खोज, उद्धार र राहत कार्यलाई तीव्र बनाउन निर्देशन दिएका छन्। उनले बेपत्ताको खोजी, जोखिममा रहेकाको सुरक्षित स्थानान्तरण, घाइतेको उपचार तथा दोस्रो प्रकोप रोक्न प्रभावकारी कदम चाल्न जोड दिएका छन्। चिनियाँ प्रधानमन्त्री ली छियाङले पनि प्रभावित क्षेत्रको अवस्था बुझ्दै उद्धार तथा राहतका लागि सम्बन्धित निकाय र छिमेकी देशसँग समन्वय गर्न निर्देशन दिएका छन्।
