भोटेकोशी नदीको बाढीबाट विद्युत् आपूर्ति अवरुद्ध भएका नुवाकोटका विभिन्न क्षेत्रमा नेपाल विद्युत् प्राधिकरणले वैकल्पिक प्रसारण लाइनमार्फत सेवा पुनःसुचारु गरेको छ। खरानीटार, समुन्द्रटार, चौगाडा, लिखु, पञ्चकन्या र विदुरलगायत क्षेत्रमा वैकल्पिक आपूर्ति मिलाइएको छ। अन्य प्रभावित क्षेत्रमा पनि प्राविधिक काम पूरा गरी साँझसम्म विद्युत् सेवा सञ्चालन गर्ने प्रयास भइरहेको प्राधिकरणले जनाएको छ।
