परराष्ट्रमन्त्री शिशिर खनाल र अस्ट्रेलियाका गभर्नर–जनरल साम मोस्टिनबीच भेटवार्ता भएको छ। भेटमा दुई देशबीचको ६० वर्ष लामो मैत्रीपूर्ण सम्बन्ध, नेपाली डायस्पोराको योगदान र विद्यार्थीका हितबारे छलफल भएको परराष्ट्र मन्त्रालयले जनाएको छ। साथै, कोप–३१ मा अस्ट्रेलियाको नेतृत्व र नेपालको हिमालय संरक्षण, जलवायु उत्थानशीलता तथा पूर्वचेतावनी प्रणालीसम्बन्धी एजेन्डालाई समर्थन गर्ने विषयमा पनि छलफल भएको छ।
