भोटेकोसी बाढीबाट प्रभावित नेपालको पुनःस्थापना तथा पुनर्निर्माणका लागि संयुक्त राष्ट्रसंघ जलवायु परिवर्तन सम्बन्धी संरचनाअन्तर्गतको हानी तथा नोक्सानी सम्बोधन कोषले २ करोड अमेरिकी डलर उपलब्ध गराउने प्रस्ताव तयार गरेको छ। प्रस्तावमाथि निर्णय गर्न कोषले अक्टोबर २२ मा विशेष बैठक बोलाएको छ। विपद् निगरानी तथा व्यवस्थापनका लागि थप १६ लाख डलरसहित कुल २ करोड १६ लाख डलर छुट्याउने प्रस्ताव छ। बाढीबाट चार जिल्लामा करिब ७९ अर्ब ६० करोड रुपैयाँ बराबरको क्षति भएको प्रारम्भिक आकलन छ।
