एनपिएलले आइसिसीको मान्यता पाउनु पछिल्ला दुई संस्करणको उपलब्धि : पारस खड्का

नेपाल क्रिकेट संघ (क्यान) का सचिव पारस खड्काले एनपिएलका पछिल्ला दुई संस्करणमा गरिएको कामका कारण प्रतियोगिताले आइसिसीको मान्यता पाएको बताएका छन्। आइसिसीको नो अब्जेक्सन एक वर्षका लागि प्राप्त भएको र यसले जिम्मेवारी बढाएको उनको भनाइ छ। स्वीकृतिपछि फ्रेन्चाइज टोलीले टेस्ट राष्ट्रका चर्चित खेलाडी ल्याउन सक्ने उनले विश्वास व्यक्त गरे। स्वीकृतिका लागि पेस गरिएको प्रस्तावमा ६ देखि ८ विदेशी खेलाडी राख्न पाउने व्यवस्था समेटिएको छ।