सुदूरपश्चिमका मुख्यमन्त्री खगराज भट्टले पाए विश्वासको मत

सुदूरपश्चिम प्रदेशका मुख्यमन्त्री खगराज भट्टले प्रदेश सभाबाट विश्वासको मत पाएका छन्। बुधबार भएको मतदानमा सहभागी ४६ प्रदेश सभा सदस्यमध्ये ३१ जनाले उनको पक्षमा र १५ जनाले विपक्षमा मतदान गरेका छन्। नेकपाका २० तथा उपसभामुखसहित एमालेका ११ सांसदले भट्टलाई समर्थन गरेका छन्। एमालेको समर्थनमा गत शुक्रबार मुख्यमन्त्री नियुक्त भएका भट्टले प्रदेश सभाबाट बहुमत प्राप्त गरेका छन्।