कलैया नगर अधिवेशन विवादमा रास्वपा केन्द्रीय कार्यालयमा कार्यकर्ताको प्रदर्शन

कलैया उपमहानगरपालिकाको नगर अधिवेशनको नतिजा विवादित बनेपछि रास्वपाका कार्यकर्ताहरूले बनस्थलीस्थित केन्द्रीय कार्यालयमा प्रदर्शन गरेका छन्। उमाशंकर रौनियार निर्वाचित भइसकेपछि पुनः निर्वाचन गराउने सूचना जारी गरिएको भन्दै उनीहरूले विरोध जनाएका हुन्। कार्यकर्ताहरूले निर्णय विधानविपरीत भएको आरोप लगाउँदै पारदर्शिता, स्पष्ट जवाफ र निष्पक्ष निर्णयको माग गरेका छन्।