चिकित्सा शिक्षामा ४१८ सिट थपियो, एमबीबीएसमा २ हजार ७४५ पुग्यो

चिकित्सा शिक्षा आयोगले यस शैक्षिक सत्रमा एमबीबीएससहित चिकित्सा शिक्षातर्फ ४१८ सिट थप गरेको छ। प्रधानमन्त्री बालेन्द्र शाहको अध्यक्षतामा बसेको आयोगको २८औँ बैठकले ८४ शिक्षण संस्थाका लागि कुल ९ हजार ६९१ सिट निर्धारण गरेको हो। एमबीबीएसमा ११० र नर्सिङतर्फ ३०८ सिट थपिएसँगै एमबीबीएसको कुल सिट संख्या २ हजार ७४५ पुगेको छ। कैलालीको गेटास्थित सहिद दशरथ चन्द स्वास्थ्य विज्ञान विश्वविद्यालयमा पनि यसै वर्षदेखि एमबीबीएस अध्यापनका लागि ५० सिट निर्धारण गरिएको छ।