अस्ट्रेलियामा वार्षिक मुद्रास्फीति दर अगस्टसम्म ४ प्रतिशत पुगेको छ। अस्ट्रेलियाली तथ्याङ्क विभागका अनुसार जुलाईको ३.५ प्रतिशतको तुलनामा अगस्टमा मुद्रास्फीति बढेको हो। आवास र यातायात क्षेत्रको मूल्यवृद्धि यसको मुख्य कारण रहेको विभागले जनाएको छ। पछिल्लो एक वर्षमा आवासको मूल्य ५.७ प्रतिशत र यातायात खर्च ५.६ प्रतिशत बढेको छ। आधारभूत मुद्रास्फीतिको ट्रिम्ड मीन ३.६ प्रतिशतमा स्थिर छ।
