नेपाली कांग्रेसको १५औँ महाधिवेशनअन्तर्गत नयाँ नेतृत्व चयनका लागि हुने मतदानको समय फेरि सरेको छ। सम्पूर्ण तयारी पूरा नभएपछि बिहान १० बजेबाट सुरु हुने भनिएको मतदानलाई दिउँसो १ बजे सारिएको थियो। त्यसपछि पनि तयारी पूरा नभएपछि निर्वाचन समितिले पदाधिकारीका उम्मेदवारहरूसँग सहमति गर्दै मतदान दिउँसो २ बजेबाट गर्ने निर्णय गरेको उपसभापतिका उम्मेदवार रन्जित कर्णले जानकारी दिएका छन्।
