श्रमिकलाई एक महिनाको आधारभूत तलब बराबर चाडपर्व खर्च दिन विभागको निर्देशन

श्रम तथा व्यवसायजन्य सुरक्षा विभागले सबै रोजगारदाता तथा प्रतिष्ठानलाई श्रमिकलाई अनिवार्य चाडपर्व खर्च उपलब्ध गराउन निर्देशन दिएको छ। श्रम ऐन, २०७४ को दफा ३७ अनुसार प्रत्येक श्रमिकले वार्षिक रूपमा एक महिनाको आधारभूत पारिश्रमिक बराबर रकम पाउनुपर्ने व्यवस्था छ। खर्च नदिने रोजगारदाताविरुद्ध श्रमिकले सम्बन्धित श्रम कार्यालय वा विभागमा उजुरी दिन सक्नेछन्। नियम उल्लङ्घन गर्नेलाई कानुनअनुसार कारबाही हुने विभागले जनाएको छ।