देउवा पक्षद्वारा कांग्रेसको १५औँ महाधिवेशनको कार्यतालिका निर्वाचन आयोगमा पेस

नेपाली कांग्रेसका निवर्तमान सभापति शेरबहादुर देउवा पक्षले १५औँ महाधिवेशनको कार्यतालिका निर्वाचन आयोगमा पेस गरेको छ। देउवाको हस्ताक्षर रहेको पत्र मंगलबार आयोगमा बुझाइएको हो। कार्यतालिकाअनुसार असोज १५ गते वडा अधिवेशन सुरु गरी मंसिर २१ देखि २३ गतेसम्म काठमाडौंमा केन्द्रीय महाधिवेशन गर्ने प्रस्ताव छ। पार्टीको आधिकारिकतासम्बन्धी विवाद सर्वोच्च अदालतमा विचाराधीन रहेकै अवस्थामा दुवै पक्षले महाधिवेशन प्रक्रिया अघि बढाएका छन्।