चाडपर्वलक्षित सुरक्षा योजना लागू, काठमाडौंमा ३५ सयभन्दा बढी प्रहरी परिचालन

नेपाल प्रहरीले चाडपर्वलक्षित सुरक्षा योजना सुरु गर्दै काठमाडौंमा ३ हजार ५ सय ६ जना प्रहरी परिचालन गर्ने जनाएको छ। प्रहरीले हत्या, बलात्कार, मानव बेचबिखन, अपहरण, धम्की, चोरी, लुटपाट, पकेटमारी, जुवा तथा ठगीलगायत सम्भावित सुरक्षा चुनौती पहिचान गरी योजना बनाएको हो। धार्मिक तथा सांस्कृतिक स्थल, बजार, बसपार्क, बैंक, सपिङ मल र गरगहना पसललाई प्राथमिकताका सुरक्षा क्षेत्रका रूपमा वर्गीकरण गरिएको छ।