नवरात्रको पाँचौँ दिन आज दसैँघर तथा पूजाकोठामा नौ दुर्गामध्येकी पाँचौँ स्कन्दमाताको विधिपूर्वक पूजा आराधना गरिँदै छ । सिंहमाथि बसेकी र दुवै हातमा कमलपुष्प समातेकी रूपमा चित्रित उनको आराधनाले शक्ति, ऐश्वर्य र विद्या प्राप्त हुने धार्मिक विश्वास छ । घटस्थापनादेखि नवमीसम्म विभिन्न देवीको पूजा गरिन्छ भने देशभरका शक्तिपीठमा बिहानैदेखि भक्तजनको भीड लागेको छ । नवरात्रका नौ दिन घटस्थापना गरिएको स्थलमा दुर्गा सप्तशती र देवी स्तोत्र पाठ गरिन्छ ।
