पूर्वप्रधानन्यायाधीश चोलेन्द्रशमशेर जबरालाई प्रहरीले आइतबार दिउँसो रिहा गरेको छ। काठमाडौँ उपत्यका अपराध अनुसन्धान कार्यालयका अनुसार उनलाई छोराको जिम्मा लगाएर सुरक्षित स्थानतर्फ पठाइएको हो। शनिबार राति महाराजगन्जस्थित निवासबाट नियन्त्रणमा लिइएका जबरालाई प्रहरीले भौतिक आक्रमणको सूचना पाएपछि सुरक्षाका लागि कार्यालयमा ल्याइएको दाबी गरेको थियो। उनीविरुद्धको महाभियोग यसअघि नै निष्क्रिय भइसकेको छ।
