रास्वपाको प्रथम महाधिवेशनमा महामन्त्री पदका लागि मनीष झा र विपिन आचार्यले दाबी गरेका छन्। दुवैले केन्द्रीय सदस्यमा उम्मेदवारी दिएर महामन्त्रीका रूपमा समर्थन मागिरहेका छन्। रास्वपा विधानअनुसार पदाधिकारी बन्न पहिले केन्द्रीय सदस्य निर्वाचित हुनुपर्छ। बन्दसत्र ढिलो भए पनि नेताहरू महाधिवेशन प्रतिनिधिसँग मत माग्न सक्रिय छन्। प्रतिनिधिको परिचयपत्र वितरण भने जारी छ।
