नेपाली कांग्रेसले पार्टीको विधान संशोधन गर्दै पदाधिकारी र केन्द्रीय सदस्यको संख्या बढाउने तयारी गरेको छ। विधान मस्यौदा समितिले पार्टीभित्रबाट आएका सुझाव र नेतृत्वका आकांक्षी व्यवस्थापन गर्न संख्या थप्ने प्रस्ताव अघि बढाएको हो। उपसभापति तीन जना बनाउने, एक पद महिला र एक वरिष्ठ उपसभापतिका लागि राख्ने तथा सहमहामन्त्रीमा खुलातर्फ पनि प्रतिस्पर्धा गराउने प्रस्ताव गरिएको छ।
