चीनका लागि प्रस्तावित राजदूत शर्माद्वारा व्यापार र कनेक्टिभिटीलाई प्राथमिकता

चीनका लागि प्रस्तावित नेपाली राजदूत कल्याणराज शर्माले संसदीय सुनुवाइ समितिमा आफ्ना प्राथमिकता प्रस्तुत गरेका छन्। उनले दुई देशबीच विश्वास कायम राख्दै नेपालको राष्ट्रिय हित प्रवर्द्धन गर्ने प्रतिबद्धता जनाएका छन्। व्यापार तथा निर्यात विस्तार, सीमावर्ती पूर्वाधार, केरुङ रेल कनेक्टिभिटी, पारवहन सुविधा र प्राथमिकताप्राप्त विकास आयोजनाको अनुगमनलाई उनले प्रमुख प्राथमिकतामा राखेका छन्। साथै, चीनमा नेपाली उत्पादनको बजार विस्तार गर्ने योजना पनि प्रस्तुत गरेका छन्।