बजेट पारित भएलगत्तै सुदूरपश्चिमका पूर्वमन्त्रीले दिए सांसद पदबाट राजीनामा

सुदूरपश्चिम प्रदेशसभा सदस्य वीरबहादुर थापाले पदबाट राजीनामा दिएका छन्। नेकपा (एमाले) का सांसद थापाले सभामुख भीमबहादुर भण्डारीसमक्ष मंगलबार राजीनामापत्र बुझाएका हुन्। प्रदेश सरकारले ल्याएको बजेटप्रति असन्तुष्ट उनले बजेट पारित भएपछि पद त्याग्ने निर्णय गरेको स्रोतले जनाएको छ। सभामुख भण्डारीले राजीनामा प्राप्त भएको पुष्टि गरे पनि स्वीकृत गरेका छैनन्। थापा कञ्चनपुर–१ बाट प्रत्यक्ष निर्वाचित सांसद हुन्। उनी यसअघि कृषि तथा सहकारीमन्त्री थिए।