नेकपा एमाले सचिवालय बैठकले अध्यक्ष केपी ओलीको पक्राउविरुद्ध कानुनी र राजनीतिक प्रतिवाद गर्ने निर्णय गरेको छ। ओलीको तत्काल रिहाइ माग गर्दै देशभर आन्दोलन गर्ने, आज दिउँसो ३ बजे सबै सदरमुकाममा प्रदर्शन गर्ने र भोलि प्रत्येक जिल्लामा विरोधपत्र बुझाउने निर्णय गरिएको छ। साथै नागरिक समाजसँग सहकार्य गर्दै आन्दोलन सशक्त बनाउने र अन्य दलहरूसँग संवाद गर्ने पनि एमालेले जनाएको छ।
