नेपालले आयोजना गर्ने विश्वकप छनोट प्लेअफको खेल तालिका सार्वजनिक

काठमाडौं, 2026-11-06  नेपालमा आयोजना हुने आईसीसी विश्वकप छनोट प्लेअफको खेल तालिका सार्वजनिक भएको छ। तालिकाअनुसार नेपालले डिसेम्बर ४ मा इटालीसँग खेल्दै प्रतियोगिताको सुरुआत गर्नेछ। नेपालले डिसेम्बर ६ मा युगान्डा, १० मा यूएई, १२ मा जर्सी, १४ मा क्यानडा, १८ मा नामिबिया र २१ मा कुवेतसँग प्रतिस्पर्धा गर्नेछ। शीर्ष चार टोलीले सन् २०२७ को एकदिवसीय विश्वकप ग्लोबल क्वालिफायर खेल्नेछन्।