आइसिसी मान्यताको पर्खाइमा क्यान, विदेशी खेलाडी घोषणा प्रभावित

नेपाल क्रिकेट संघ (क्यान) नेपाल प्रिमियर लिग (एनपिएल) को तेस्रो संस्करणका लागि आइसिसीको औपचारिक मान्यताको प्रतीक्षामा छ। आवश्यक कागजात पठाइसकिएको क्यानका सचिव पारस खड्काले बताए। स्वीकृति नआउँदा टोलीहरूलाई आबद्ध विदेशी खेलाडी सार्वजनिक गर्न अन्योल भएको छ। यसपटक डेविड वार्नर र मोइन अलीसहितका स्टार खेलाडी अनुबन्धित छन्। आठ टोली सहभागी प्रतियोगिता आगामी कात्तिक ९ देखि मङ्सिर ५ सम्म सञ्चालन हुनेछ।