परराष्ट्रमन्त्री शिशिर खनाल र अस्ट्रेलियाकी विदेशमन्त्री पेनी वङबीच मेलबर्नमा नेपाल–अस्ट्रेलिया सम्बन्धका विविध पक्षमा छलफल भएको छ। भेटवार्तामा वङले बाढी प्रभावित नेपालका लागि थप १५ मिलियन अस्ट्रेलियन डलर सहयोग घोषणा गरेकी छन्। दुई मन्त्रीले जलवायु परिवर्तन, विपद् व्यवस्थापन, शिक्षा, व्यापार, लगानी, पर्यटन, श्रम गतिशीलता र प्रत्यक्ष हवाई सम्पर्क विस्तारबारे पनि सहकार्य अघि बढाउने विषयमा छलफल गरेका छन्।
