त्रिभुवन विश्वविद्यालयको एमबीएस प्रथम सेमेस्टरको प्रश्नपत्र परीक्षा अगावै तथा परीक्षाका क्रममा बाहिरिएको घटनामा सात जनाविरुद्ध काठमाडौँ जिल्ला अदालतमा मुद्दा दायर भएको छ। मुख्य अभियुक्त शिक्षक सन्दीप सिंहसहित विद्यार्थीहरूलाई शिक्षा ऐनअन्तर्गत प्रतिवादी बनाइएको हो। अनुसन्धानमा प्रश्नपत्र सामाजिक सञ्जाल र ह्वाट्सएपमार्फत फैलाइएको तथा सिंहले करिब एक हजार विद्यार्थी जोडिएका समूह सञ्चालन गरेको तथ्यसमेत खुलेको प्रहरीले जनाएको छ।
