ओमानमाथि नेपालको ११३ रनको शानदार जित, लिग २ मा लगातार दोस्रो सफलता

नेपालले आईसीसी क्रिकेट विश्वकप लिग २ अन्तर्गत ओमानलाई ११३ रनले हराउँदै लगातार दोस्रो जित निकालेको छ। मंगलबार नेपालले दिएको २६४ रनको लक्ष्य पछ्याएको ओमान ४० ओभरमा १५० रनमा समेटियो। नेपालका नन्दन यादव र सन्दीप लामिछानेले समान तीन विकेट लिए। यसअघि रोहित पौडेलले ६१, अर्जुन कुमालले ४० र करण केसीले ४० रन बनाएका थिए। नेपालले शनिबार क्यानडासँग खेल्नेछ।