प्रतिनिधिसभामा भएको नाराबाजी, धकेलाधकेल र अमर्यादित गतिविधिपछि सभामुख डोलप्रसाद अर्यालले संलग्न सांसदमाथि छानबिन तथा कारबाही गर्ने विषयमा परामर्श थालेका छन्। संसद् सचिवालयसँगको छलफलमा नियमावलीअनुसार कारबाहीका विकल्पबारे अध्ययन भइरहेको छ। नियमावलीले चेतावनी, बैठकबाट निष्कासन, निलम्बन तथा थप अनुशासनात्मक कारबाहीको व्यवस्था गरेको छ। अघिल्ला संसदहरूमा पनि यस्ता घटनाका केही नजिर रहेका छन्।
