राहदानी छपाइ प्रक्रियामा देखिएको १० अर्ब १३ करोड रुपैयाँ बराबरको विवाद र अनियमितताबारे छलफल गर्न प्रतिनिधिसभाको सार्वजनिक लेखा समितिले मंगलबार बिहान ९ बजे बैठक बोलाएको छ। सभापति भरतबहादुर खड्काका अनुसार परराष्ट्र मन्त्रालय र राहदानी विभागका अधिकारीलाई उपस्थित हुन बोलाइएको छ। यसअघि समितिमा भ्रष्टाचारसम्बन्धी उजुरी र प्रश्न उठेपछि विस्तृत छलफल गर्न बैठक आह्वान गरिएको हो।
