सशस्त्र प्रहरी बलका एआईजी वंशीराज दाहाललाई पदबाट बर्खास्त गर्न गृह मन्त्रालयमा सिफारिस गरिएको छ। सुरक्षासम्बन्धी संवेदनशील सूचना चुहाएको आरोपमा निलम्बित दाहालबारे छानबिन समितिले बिहीबार प्रतिवेदन बुझाउँदै बर्खास्त गर्न सिफारिस गरेको हो। गृह मन्त्रालयले गत सोमबार उनलाई निलम्बन गरी तीन दिनभित्र छानबिन गर्न समिति गठन गरेको थियो। अब गृहमन्त्री सुधन गुरुङले बर्खास्तीसम्बन्धी निर्णय गर्न सक्ने गृह स्रोतले जनाएको छ।
