सर्वोच्च अदालतले नेकपा एमालेका उपाध्यक्ष तथा पूर्वअर्थमन्त्री विष्णु पौडेलको बन्दी प्रत्यक्षीकरण रिट खारेज गरेको छ। न्यायाधीश विनोद शर्मा र नित्यानन्द पाण्डेयको इजलासले रिट खारेज गर्दै सम्पत्ति शुद्धीकरण अनुसन्धान विभागको हिरासतलाई यथावत् राखेको हो। सम्पत्ति शुद्धीकरण मुद्दामा अनुसन्धानका क्रममा पक्राउ परेका पौडेलविरुद्ध काठमाडौँ जिल्ला अदालतले बिहीबार थप ६ दिन हिरासतमा राखेर अनुसन्धान गर्न अनुमति दिएको छ। उनकी पत्नी दोमाया पौडेलले गैरकानुनी थुनामा राखिएको भन्दै सर्वोच्चमा रिट दायर गरेकी थिइन्।
