अविरल वर्षासँगै आएको पहिरोमा परी पाल्पामा दुई जनाको मृत्यु भएको छ भने तीन जना बेपत्ता भएका छन्। माथागढीका ७५ वर्षीय शेरबहादुर चिदी र रिब्दीकोटका ५९ वर्षीया कृष्णकुमारी सारुको मृत्यु भएको प्रहरीले जनाएको छ। लगातारको वर्षाले जिल्लाका विभिन्न स्थानमा बाढीपहिरोको जोखिम बढेको छ। कालीगण्डकीको बाढीले स्याङ्जा–गुल्मी जोड्ने पुलसमेत बगाएको छ भने बस्ती र सडक जोखिममा परेका छन्।
