रसुवा बाढीका कारण नेपालको आर्थिक वृद्धिदर ३.७ प्रतिशतमा झर्ने विश्व बैंकको प्रक्षेपण

विश्व बैंकले रसुवा बाढीका कारण चालु आर्थिक वर्ष नेपालको आर्थिक वृद्धिदर ३.७ प्रतिशतमा सीमित हुने प्रक्षेपण गरेको छ। बाढीबाट उद्योग, सेवा, जलविद्युत्, यातायात र ऊर्जा पूर्वाधारमा क्षति पुगेकाले आर्थिक गतिविधिमा असर पर्ने बैंकको आकलन छ। पुनर्निर्माण तथा पुनर्स्थापनाका काम अघि बढेपछि आर्थिक क्रियाकलापमा सुधार आउने र आर्थिक वर्ष २०८४/८५ मा वृद्धिदर ५.२ प्रतिशत पुग्ने अनुमान गरिएको छ।