वैदेशिक सहायता घट्दै गएपछि निजी पूँजी परिचालन गर्नुपर्ने अवस्था : अर्थमन्त्री वाग्ले

अर्थमन्त्री डा. स्वर्णिम वाग्लेले नेपालमा वैदेशिक सहायता तथा सहुलियतपूर्ण ऋणको स्रोत साँघुरिँदै गएको बताएका छन्। सार्वजनिक लेखा समितिको बैठकमा उनले अनुदान घट्दै जाँदा विकासका लागि वैकल्पिक रूपमा निजी पूँजी परिचालन गर्नुपर्ने अवस्था आएको बताएका छन्। चालु आर्थिक वर्ष वैदेशिक ऋणतर्फ करिब २ खर्ब १२ अर्ब र अनुदानतर्फ ६२ अर्ब रुपैयाँ अनुमान गरिएको भए पनि वास्तविक अनुदान प्राप्ति निकै कम हुने गरेको बताएका छन्।