नेपाली चलचित्र ‘छ माया छपक्कै २’ को ट्रेलर सार्वजनिक भएको छ। ओएसआर डिजिटलको युट्युब च्यानलमार्फत सार्वजनिक ट्रेलरमा राजनीतिक व्यङ्ग्यसँगै सन्तानको प्रतीक्षामा रहेका दम्पतीको पारिवारिक र सामाजिक द्वन्द्व देखाइएको छ।
दीपेन्द्र लामाको निर्देशन तथा दीपकराज गिरीको लेखन रहेको चलचित्रमा दीपकराज गिरी, केकी अधिकारी, कर्मा शाक्य र सनिशा भट्टराई मुख्य भूमिकामा छन्। आमा सरस्वती मुभिज र रोहित अधिकारी फिल्मसको ब्यानरमा बनेको चलचित्र असोज ३१ गते फूलपातीदेखि प्रदर्शन हुँदैछ।
