विश्व बैंक र आईएमएफको बैठकमा भाग लिन अर्थमन्त्री वाग्ले थाइल्यान्ड जाँदै

विश्व बैंक र आईएमएफको वार्षिक बैठकमा भाग लिन अर्थमन्त्री डा. स्वर्णिम वाग्ले आज दिउँसो १:३० बजे थाइल्यान्ड प्रस्थान गर्दैछन्। अर्थसचिव डा. घनश्याम उपाध्यायसहितको उच्चस्तरीय टोलीले बैंककमा पुनर्निर्माण र जलवायु वित्तका मुद्दा उठाउनेछ। १६ भन्दा बढी द्विपक्षीय छलफल गर्ने कार्यतालिका रहेको यो नेपाली प्रतिनिधिमण्डल आगामी कात्तिक ४ गते स्वदेश फर्कनेछ।